المشاركات
حرمت على قلبى حبك
يللى هديت القلب تعذيبك
خلاص ماعدت احبك
يللى بعمرى هويتك
بقلبى صونتك وعلى كل البشر غليتك
كتمت الاه بصدرى ومن حبى رويتك
دبحنى هجرك وبعادك.....وتقول حبيتك؟
حب ووفا اديتك وبدنيتى عليتك
بالحزن مليت قلبى .....والفرحة انا سميتك
طعنت القلب بسهمك بحنانى انا داويتك
سقيتنى الم وعذاب ....بحبى انا سقيتك
النهاردة جاى تسال.....فينك يللى حبيتك؟
لا تتعب حبيبى نفسك
من قلبى انتهى حبك
وشفى من جرحك
اوعى تقول تانى بحبك
انت ماتعرف الحب ولا بيه دق قلبك
جاى تدور على حبك
مش ده القلب اللى كويته بظلمك
خلاص ما عاد يحبك
ارفع ايدى للسما واقول ربى يسامحك
اتمنى لك كل خير وبالفرح يسعد قلبك
وانا والقلب العليل
لنا رب قادر ينسينا حبك
