ابو قلب ظالم

حرام يا قلبى تعذبنى معاك

هو لا دارى بيك ولا بهواك

حرام تبكى على قلب فى النار رماك

سابك تنحرق بالحب وشوقه وجفاك

............................
راح يشغل قلب تانى

يوعده بالحب وبالامانى

يجرحه ويسيبه بجرحه يعانى

جرح القلوب لعبته

ابو قلب ظالم انانى

................................
راجع يقول سامحينى

فى بعدك مانامت عينى

طيفك فى منامى يجينى

يزيد شوقى ليكى وحنينى

........................
مايعرف انى كل ليلة

فى بعده بموت

وتعدى الايام وتفوت

نام فيها قلبى ف بحور

الصمت والسكوت

لا قادر ينسى حبه

ولا يسمع لاى صوت

.......................
ولم شوفته

انهزم قلبى واعلن استسلامه

نسى جرحه ودموعه والامه

حن لحبه واحلامه

واتمنى ترجع ايامه

روح العبير ......كلمات الشاعر (محمد حسنى ابراهيم)

تفتح باب روحك وتخش بسرعة عليك

زى نفس الصبح الرايق

وزى حبة ندى رشتهم روح سماك ف هواك

وكبرت وكبر احساسها جواك

اول ورده تحسها بعبيرها

لما كنت تغيب عنها

كانت تبعت عنها عبيرها يدور حواليك

ويلف الكون وياك يلاقيك

سرحان ف ملكوت مش واخدك م الدنيا

ولا موديك لحتة تانيه

هى بس بتيحى وتروح

وتحسسك بيها وتختفى

تبقى درويش وتدور على الأطر

وهى ماتسيبش ولا منديل ولا ورقة ورد واحدة تدل عليها

تخليك مجذوب

وتخليك ترسم اطياف عدت عليك وماخدتش بالك منها

الا لما راحت

وانت تدور وتحاول تلم الباقى ف طرف أزازة

وتقفل على حبة من ريحتها

هى هتعمل مش واخدة بالها

وانت بتديها المنديل روحك

وتنشف بيه كل عرقها

وعلى ريق النوم

تفتح غطا روحك وتطير من جواك حبة عبير

ياااااااااااااااااااااااااه

بتحس الكون مجذوب

بيدور ويدور

واول ماتطلع عليهم بريحتها

تلاقى سبات

والكل يبص عليك

انت بتدى زفير للكون

ومافيش حاجة اتغيرت إلا انك كنت شامم كل عبيرها بجد

فكرت ترد هواها وتحلم بيها بس صحيت

برغم حبى.....هسيبك

هسيبك برغم شوقى وحبى

قبل ما تيجى منك قلت تيجى منى

هسيبك حبيبى بعد ما بعدت عنى

اتغيرت ومابقاش جواك حاجة منى

هسيبك وانا مش ندمانة

على اى لحظة عشتها معاك

على اى حلم حلمته فى هواك

على اوقات جميلة سعدت فيها برضاك


هسيبك وانا مش ندمانة

على حب صادق حبتهولك

على قلب غالى وهبتهولك

على احساس عمرى اللى على

ورق الحياه كتبتهولك


هسيبك وانا بحبك

وكل دقة فى قلبى

بتردد اسمك

هسيبك وف دمى

بيجرى عشقك

وروحى تتمنى قربك


لا يا حبيبى

اوعى يهزك كلامى

او تشفق على احزانى والامى

اوعى تحيى تانى اوهامى

اللى عشتها فى حبك وغرامى

انسى قلب سكن بحور الذكريات

عايش فى الماضى واللى فات

نسى بكرة والات

توعد وتخلف

توعدنى دايما وتخلف

تيجى تقول وتحلف

انه كان غـصبن عنك

مقدرتش توفى بوعدك

اصدق واسامحك

وانسى مرارة جرحك

رغم طول الانتظار

وقسوته ليل نهار

قلتلك لو خلفت تانى

هبعد عنك

خلفت تانى وعدك

خلاص يا حبيبى براحتك

من النهاردة لا هعاتبك

تانى ولا هحاسبك

لو يوم

لو يوم هزمنى حبك

او يوم جرحنى قلبك

برضه هحبك

لو يوم بكيت عينى

او ضاعت منى سنينى

برضه هحبك

لو يوم قدرت تهجر

وتنسى حبى وتغدر

برضه هحبك

لو يوم طفيت شموعى

وهانت عليك دموعى

برضه هحبك

لو يوم الشمس غابت

والامى فيا دابت

برضه هحبك

لو يوم لامونى حسادى

على حبى وسهادى

برضه هحبك

لو يوم زادت جروحى

او فارقتنى روحى

برضه هحبك

لو يوم شوفتك بعنيا

بتعرف واحدة تانية

برضه هحبك

عارف ليه

لانــــى

بحبك ...بحبك...بحبك

قلب رافض يتعلم

رافض قلمى يقول

رافض يتكلم

قال ليه اقول

ده الالم نفسه بيتالم

ومهما اقول

مين يسمع .....مين يتعلم

وانت يا قلبى ليه رافض تتعلم

سايب نفسك للالم وبتتالم

انسى زى مانسى

ولا عنه يوم تتكلم

لا حبك يوم ولا يوم

فى بعدك اتالم

ولا من وفاء قلبك اتعلم

انت اللى انجرحت فى حبه

والجرح فيك معلم

بترفض صرختى بالبوح

وللجرح مسلم

ويفضل جرحه جواك يتكلم

ولا عمرك ياقلبى يوم هتتعلم

وطن

قلبك لقلبى وطن

لروحى انت شجن

عنيك امان وسكن

حبك صبرى ع المحن

همساتك اجمل لحن

عشقت طيب روحك

عشقت نبض قلبك

دوبنى صدق حبك

حبيبى انا ليك وحدك

وتهون الدنيا فى بعدك

بعمرى وحياتى حبيتك

بقلبى وروحى هويتك

وجوة جوة القلب خبيتك

لانسيتك يوم ولا تناسيتك

مليت عليا دنيتى

رجعت ليا ضحكتى

يخليك ربى ليا دايما

تكون رفيقى فى سكتى

كلمات رومانسية

انسانى زى ماتحب

اهجرنى وحطم قلب

فى هواك داب

ولا عمره غيرك حب

ـــــــــــــــــــــــــــــــ

عاشقة بجنون

عاشقة بلف الكون

ادور على ساكن العيون

اقوله فين ماتكون

عاشقاك والقلب بيك مفتون

مستنياك بحب ولهفة...

بشوق مجنون

ــــــــــــــــــــــــــ

تشوفنى؟ لا بلاش تشوفنى

لو شوفتنى مش هتعرفنى

فى بعدك دبل ورد خدودى

سكنت الدمعة عيونى

تاهت ضحكتى فى ليل حزين

ــــــــــــــــــــــــــــــــــ

بعد غياب وعذاب

راجع يقول سامحينى

قلبى فى هواها داب

مقدرتش اسيبك تستنينى

تعيشى وهم وامل كداب

سامحينى

صعب تكونى فى تكوينى

ـــــــــــــــــــــــــــــــ

انا فى احلامى سندريلا

بدور على امير اشعارى وحكاياتى

بحلم بيه ليلاتى

يشدنى..يضمنى

ندوب فى كلماتى

ويبقى احلى غنوة فى حياتى

ــــــــــــــــــــــــــــ

بحبك وايه اقول تانى

بحبك وعنيك وحشانى

يللى واخداك الدنيا منى

ولفين موديانى

للآه اللى عشقانى

ولا للذكرى اللى منى وخدانى

قولى يا حبيبى

تفتكر اقدر انساك

ولا انسى ليالى هواك

طب لو نسيتك افتكر مين

لو نسيتك اسهر لمين

قولى يا حبيبى

يللى طاوعك قلبك على نسيانى

وما عدت تهوانى

ممكن حد تانى

يكون لك فى قلبى بديل

ممكن غيرك يداوى قلبى العليل

سفينة احلامى

سفينة حبى

كانت موديانى لشط حبى واحلامى

غرقت وضاعت معاها كل امالى

صرخت من قسوة الالم

صرخت من غير احساس

يا ناس غرقت سفينتى يا ناس

بصرخ بقول يااااه

يااااه ع الظلم والقسوة يااااه

يااااه على غدر الحبايب يااااه

لا كان يخطر يوم ببالى

ان كل ده يجرالى

ان حبيبى يغدر بيا

انه يقسى يوم عليا

كان حبه وهم وخيال

ولا عمرى شغلت البال

طب ليه....ليه قالى بحبك ليه

ليه قالى عاشق مغرم ليه

لا فى يوم فرضت عليه حبى

ولا قلت لقلبه اشغل قلبى

يا ربى ارحمنى يا ربى

احساسى بغدره هيموتلى قلبى

افتكرنى

لو فى يوم الدنيا غامت

فى عيونك افتكرنى

لو فى يوم الفرحة غابت

من قلبك افتكرنى

لو ناداك الشوق فى مرة

او تحتاج لحنانى

اذكر الشوق اللى خالد

راح يدلك عن مكانى

راح يقولك اللى حبك

كان مصيره انه يسكن

فى بحور الذكريات

حاول تنسى من النهاردة

ان كان لك يوم حبيب

الوداع يا فجر عمرى

عن حياتك راح اغيب

اوعى تنسى وتندهلى

او تحاول ترجعنى

من النهاردة مش هشوفك

تانى او تشوفنى

بس عايزاك توعدنى

لم اغيب ابقى افتكرنى

مركب الامل

دايما الام

من غير احلام

حلوة تفرحنا

تحســسنا بالحياه

تاخدنا من جراحنا

يا خدنا مركب الامل

ع البر يودينا

لاحبابنا واهالينا

لكن....لا لقينا

مرسى ولا مينا

يا مركب الامل

حبيبى فى مركبه

هناك مستنينا

اجرى عليه قوام

خلينى اخده بالاحضان

اقوله من زمان

وانا مستنية تجينى

ترسم البسمة على شفتينى

يا حبيبى انا جاية

بلهفتى وحنينى

نروح للفرح..لامل بكرة

اللى مستنيك ومستنينى

محتاجة

محتاجة يا حبيبى اضمك

محتاجة ابكى على صدرك

محتاجة احس بحبك

محتاجة اسمع دقات قلبك

محتاجة اكون جنبك

لو محتاجلى زى ما محتجالك

انا فى انتظارك

بلهفة مجنونة

ودمعة فى العين مخنوقة

باشواق زايدة

ونار فى القلب قايدة

اتمناك

اتمناك فى لحظة الضلمة

تكون ايديك فى ايديا

اتمناك بلسم جروحى

اتمناك النوم فى عنيا

اتمناك لو صحيت

الاقيك فى حضنى وبين ايديا

اتمناك فى الحزن

اواسيك وتواسينى

اتمناك فى الفرح

نعيش اجمل سنينك وسنينى

اتمناك ضلى وضيا عينى

اتمناك حروف شعرى

ونبض شرايينى

اتمناك عطرى

وزهورى ورياحينى

اتمناك طبيب عمرى

من الامى واحزانى تداوينى

كفاية همسك اذا جانى يحيينى

كفاية انت فى دنيتى حبيبى

من غيرك

من غيرك انا نسمة تايهة

دمعة ع الخد حايرة

غريق محتاج لبر الامان

طفل محتاج لحنان

روح ضايعة فى عالم النسيان

تعالى يا حبيبى جنبى

تعالى فى حضن قلبى

اسقيك من شوقى وحبى

هات ايديك احضنى

فى حبك دوبنى

وفى بحر عنيك توهنى

ادوقك اجمل غرام

واسمعك احلى كلام

كلام العشق والهوى

مايقوله غيرنا

انا وانت سوى

وندوب ويدوبنا حبنا

ويعيش كل واحد فينا

فى قلب التانى

نفترق ونتقابل تانى

بحب وشوق وامانى

الله يا حبيبى

الله يا حبيبى على حبك

الله على ضحكة قلبك

دوقت الهنا وياك

روحى لقيتها معاك

دايبة فى حضن هواك

خدتنى بين ايديك

بصيت فى عنيك

توهت ونسيت الدنيا

نسيت مكانى وزمانى

نسيت معاك عنوانى

احضنى كمان وكمان

احضنى نسينى كل الاحزان

عايزة حبيبى وبس

عايزة بيه اتحس

عايزة اصرخ بعلو الصوت

يا حبيبى بحبك موت

عايزة اصرخ اقول واقول

هحبك يا حبيبى مهما الزمان يطول

دنيا الحب

حبيبى قالى وباس ايديا

سامحينى يا حبيبتى مش بايديا

قبل ما اقسى عليكى قسيت عليا

زى ما جرحتك انجرحت

جرح اكبر وافتكرت

انى اقدر ابعد وانساكى

لكن رجعنى هواكى

للياليا الحلوة معاكى

مقدرش اكون غير وياكى

ولا اقدر اعيش خارج دنياكى

نزلت دموعى غصب عنى وسبقتنى

طب ليه من الاول سيبتنى

وبهجرك عذبتنى

تعالى خدنى فى حضنك ضمنى

ااااااااه يا حبيبى حضنك

طمنى على حبى وقلبى

يلا يا حبيبى ندوب سوا

فى اجمل معانى الهوى

ننسى كل شئ حوالينا

ننسى كمان اسامينا

ولا نفتكر غير اننا مع بعضينا

خلاص يا دنيا من النهاردة

مش هتقسى تانى علينا

ولا تقدرى تانى تبعدينا

من النهاردة انا وحبيبى هنعيش

بعيد عن الامك واحزانك

عن غدرك وخداعك

وعواصفك ورياحك

هنعيش فى دنيا الحب

ذكرى

ذكرى فى بالى

بتداعب خيالى

ذكرى يا حبيبى شايفاها قبالى

ذكرى يوم لقانا

يوم ما انولد حبنا وهوانا

ذكرى ما نقدر ننساها

عاشت وعشيتنا معاها

فى دنيا جميلة هنية

لا يوم جرحتنا

ولا من كاس عذابها سقتنا

ااااااااه يا حبيبى ما اجملها من ذكرى

اصبر يا قلبى

بتقولى يا قلبى حبيبك

طب هو فين حبيبك

وعدك بقربه ولا يوم يسيبك

خلف وعده ليك....سابك

وما عاد يجيلك

عينى يا قلبى علينا

من حبيبى وحبيبك

................

بعمرك وروحك حسيته

حب وامان اديته

بلهفة وشوق استنيته

...............

ظلمتنا الايام انا وانت يا قلبى

ظلمتنا وما قدرنا نخبى

................

ظلمتنا اما اديتنا حبيب قاسى

لا حس بينا ولا داق كاسى

................

ما بقاش حيلتنا غير الدموع

ابكى يا قلبى بصوت مسموع

................

ولا اقولك بلاش يا قلبى

ليشمتوا فينا العزال

ويقولوا حكايتنا فى موال

................

ونبقى غنوة على كل لسان تتغنى

يقولوا يا حرام ع القلب

اللى بالحب ماتهنى

اصبر يا قلبى ده

الصبر مفتاح الجنة

سؤال

ممكن حبيبى اسال سؤال؟

بعدك ده نسيان ولا انشغال؟

ولا معادليش فى قلبك مكان؟

لو نسيان....ازاى تنسانى

وانا عمرى مانسيتك

لو انشغال.....انا مانشغلت يوم عنك

ولو معادليش فى قلبك مكان

يبقى نصيب قلبى الاحزان

يعيش فيها طول الزمان

واوعدك حبيبى

حبك فى قلبى مهما كان

بحبك يا اعز واغلى انسان

شوقى ليك

شوقى ليك نار بتحرق قلبى

نار كل يوم تدوبنى

نار حبيبى وميطفيها غير قربك منى

وكل يوم اسهر اناجيك

وفى خيالى اضمك فى حضنى

واقول انام يمكن اشوفك وبقربك تسعدنى

يجافينى النوم وافكر فيك

واقول عسى ربى بيك يجمعنى

وابدا عنك ما يبعدنى

دموعى فى غيابك عشقتنى

وماجفت ليلة وسابتنى

امتى حبيبى تجينى

وتطفى شوقى وحنينى

املى المنشود

كم مرة اتمنيت تلمس ايدى ايديك

وتاخدنى بين ذراعيك

وتضمنى لصدرك وعينى فى عنيك

وانسى الدنيا بما فيها وافديك

حبيبى اموت انا فيك

لو تكون باخر الدنيا قلبى يبيك

وبشوقه يا عمرى يناديك

وبعيونه حبيبى يحتويك

تعلمت من هواك ازاى يكون الحب

ومن نظرة عنيك ازاى يدق القلب

ومن همس حبك ازاى يكون العشق

فى غيابك يا عمرى ما بقى لعمرى وجود

وانت كل عمرى واملى المنشود

معقول كل ده حبيبى وتنسانى

معقول ماعدت تهوانى

مين دلك على نسيانى وهجرانى

فى هجرك الدمعة فاكرانى

والفرحة نسيانى

حس بيا وبآلامى واحزانى

مش كتير

مش كتير حبيبى عليك

انى اعيش ايامى ليك

دانا حلم عمرى لقيته فيك

فين الاقى حبيب زيك

بعطفك وقلبك وحنية قلبك

حبيبى مهما قلت بحبك

مهما وصفت فى حبك

مهما قلت روحى وعمرى ليك

مهما قلت قلبى هيموت عليك

مهما قلت مجنونة بحبى ليك

صعب اقول على احساسى بيك

صعب الاقى كلام يوفيك

رسالة حبيبى فى عيد الحب

حبيبتى وحشتينى

يا عمرى وسنينى

يا نبض شرايينى

عاشق سواد عنيكى

مجنون انا بيكى

آسيرقلبك وحبى ليكى

محتاج حضنك تدفينى وادفيكى

من برد الدنيا واحميكى

من عيون كل اللى حواليكى

حسدونى الناس عليكى

قالو يا هنا قلبى بيكى

حبك شعاع النور اللى اضاء لى طريقى

لقيتك على جسر الامل تنتظرينى

بحبك وقلبك وخدتى ايدى فى ايديكى

سكنتينى فى عنيكى

وقفلتى عليا رمشيكى

حبيبتى اعذرينى

مش عارف اوصف احساسى ليكى

كل عيد حب وانتى ليا وانا ليكى

الوداع

الوداع يا حب عمرى

الوداع يا عمر غالى

بوداعك ودعت آمالى

ودعت معاك فرح الليالى

ودعت حبيبى الضحكة

ودعت كمان الفرحة

ودعت سنين عمرى

ودعت نبض قلبى

من النهاردة حبيبى

هكون وحيدة

من النهاردة هعيش

فى الدنيا دى شريدة

ماليش احلام اكيدة

ومن قلبى بدعيلك... ابداً

ماتشوف لحظة سعيدة

ندم

هجرت اهلى وناسى

وجريت ورا احساسى

حبيت قلب قاسى

سقانى مرارة كاسى

كان حبه لقلبى شئ اساسى

قلت ده حبيبى

قسمتى ونصيبى

كان عمرىوسنينى

كان شوقى وحنينى

بكلامه وقلبه خدع قلبى

ومن خداع قلبه لقلبى

صرخ وقال قلبى

نادم......نادم على

عمرى معاك

نادم على احلامى وياك

نادم على شوقى ليك

نادم على حب غالى وهبتولك

نادم وبايه يفيد ندمى

احساس مر

احساس مر لم تحس

انك مش حر

لم تحس انك مسجون

فى حب غدر وباع

لم تحس انك مقدرتش

تحمى قلبك من الضياع

لم تلاقى حبيبك بنالك

قصور من الوهم والخداع

لم حب عمرك ببساطة

........يقولك...وداع

احساس مر لم تحس

بضلوعك بتنزف دموع

لم توصل لطريق

مافيهوش رجوع

لم تستقبل طعنة الغدر

فى استكانة وخضوع

لم تحس انك عشت مخدوع

من قلب عمره من الحب

ما كان موجوع

لم تصرخ بصوت مسموع

والالم يكسر الضلوع

وتغرق فى بحر الدموع

احساس مر

يا حب عمرى

ودى احطب لك

ضلوعى وادفيك

واغطيك برمشى لو بردان

اسكنك فى عيونى

لو كان يرضيك

وتكون عينى لك

وطن مثل الاوطان

واضمك لصدرى وارويك

من اجمل حب واعذب حنان

واديلك قلب جه اليوم يهديك

اجمل محبة وضمة

من حبيبك الولهان

القلب سكنت فيه

وحدك ويرجيك

تعيش فيه وينسيك الاحزان

حبيبى انت الوفا

والوفا ليك

يرسم ملامح ضحكتك

وانت عتبان

حبيبى احضنى بعنيك

وضمنى فى حضنك

ارضيك لو كنت زعلان

عايزة افتخر بيك

واقول واناديك

اهلا بحبيبى اللى

سكن الوجدان

يا حياتى والله

لاعطيك واعطيك

حبى وعشقى وشوقى

يا اغلى انسان

انت الحب اللى اتمنيته

انت الامان

حبيبى

حبيبى يا منور الدنيا

وزايد حلاها

حبيبى يا حب

روحى وشقاها

انا ماتمنى سوى

لحظة اكون معاك انا فيها

حبيبى شوفلك طريقة

نلتقى بيها

وجودى معاك يسوى

الدنيا ومافيها

نفسى ارمى نفسى

على صدرك وتحضنى

نفسى اشكى على صدرك

عذاب حبى

حبيبى خلى الحكاوى

انا مشتاق لعيونك

لاتخلى الشوق يذبح

حبيبى مجنونك

انت زى الروح بتسكنى

وانا ازاى اناديلك

دى العين بتعشق صورتك

وبيجرى فى القلب حبك

وفى خيالى يسرح طيفك

ويلوع قلبى فراقك

وكل ماسمع صوتك

روحى تهمس بحبك

مهما بعدنا يرجعنا

شوقى وشوقك

والهنا كله فى رجوعك

يا كل عمرى بحبك

لن اقول

لن اقول....احبك

لن اقول....اعشقك

لن اقول....انت

عمرى وساكن قلبى

لن اقول....انت

روحى وكل آمالى

لن اقول....انت

بلسم جروحى

لان حبك اكبر

من اى كلمة حب

وعشقك ليس

كأى عشق

كيف اقول ساكن قلبى

وانت قلبى

كيف اقول روحى

وانت الروح

انت الدنيا

انت العمر

انت الحب

انت البسمة

انت الفرحة

انت نجم السماء العالى

انت موج البحر الهادى

حبيبى....انت

كل ذلك واكثر

بعشقك ياعمرى

يا حزنى وهنايا

يا فرحى وشقايا

بعشقك يا عمرى

عشق ماله حدود

وحبك مدوب قلبى دوب

بحبك ولا عمرى

هبعد عنك

حبك لقلبى الحياه والنور

ومن غير حبك

يدبل قلبى ويموت

حبيبى دايبة فيك

انا دوب

ويعلم ربى انى

عنك ماقدر اتوب

كل اللى شافوك وعرفوك

من اول نظرة حبوك

واتمنوا يسعدوا بقربك

لكن انت قلبك

مشغول بحبك

ويا سعد قلبى

ان انشغلبه قلبك

رسالة

كتبتها بدمى ودموعى

بآهاتى ولوعتى

سطرت بها آلامى

وصفت فيها احزانى

من الان.............

لم اعد احبك

لم اعد اريدك

لم اعد احلم بك

نسيت ذكرياتى معك

مزقت كل صورة لك

طويت من كتابى صفحتك

اذهب.... لا اريد رؤيتك

كفانى ما عانيته معك

كفانى عذابا فى حبك

كفانى آلاما فى قربك

معك عرفت

طعم الهجر

تجرعت كأس الغدر

من قلب اماته حبك

مشتاقة

ياروح الروح

روحى بتناديك

مشتاقة ياروحى

لنظرة عنيك

مشتاقة يا عمرى

للمسة ايديك

مشتاقة يا املى

لحنان حبك

مشتاقة يا دنيتى

لقربك ولياليك

مشتاقة يا حبى

لدفئ حضنك

مشتاقة يا قلبى

لعطف قلبك

مشتاقة حبيبى

اكون وياك

مشتاقة اكون فى

حضن قلبك وهواك

مشتاقة انا ليك

عاشقة

عندما تغيب

تغيب الشمس

ويغيب القمر

ويسكن الهواء

ويصمت الكون

ولا يبقى غير حبك

يملئ دنيتى بهجة وسعادة

وعندما تاتى لا استطيع الكلام

وتفضح عينى ما يسكن بقلبى

وتاخذنى بين ذراعيك

واغمرك بحبى وعشقى

وشوقى وحنينى لك

واهمس لك ابقى معى

فانا عاشقة حروف اسمك

عاشقة قلبك وانفاسك

عاشقة صوتك وهمساتك

عاشقة وجهك وابتساماتك

اعشق الطيران فى سماء حبك

عينى تعشق عينيك

يدى تعشق لمسة يديك

روحى ذائبة فى روحك

يسال قلبى عنك

اقول ساكن الروح والقلب