المشاركات
بتقولى يا قلبى حبيبك
طب هو فين حبيبك
وعدك بقربه ولا يوم يسيبك
خلف وعده ليك....سابك
وما عاد يجيلك
عينى يا قلبى علينا
من حبيبى وحبيبك
................
بعمرك وروحك حسيته
حب وامان اديته
بلهفة وشوق استنيته
...............
ظلمتنا الايام انا وانت يا قلبى
ظلمتنا وما قدرنا نخبى
................
ظلمتنا اما اديتنا حبيب قاسى
لا حس بينا ولا داق كاسى
................
ما بقاش حيلتنا غير الدموع
ابكى يا قلبى بصوت مسموع
................
ولا اقولك بلاش يا قلبى
ليشمتوا فينا العزال
ويقولوا حكايتنا فى موال
................
ونبقى غنوة على كل لسان تتغنى
يقولوا يا حرام ع القلب
اللى بالحب ماتهنى
اصبر يا قلبى ده
الصبر مفتاح الجنة
0 التعليقات:
إرسال تعليق