حلوة الدنيا

حلوة الدنيا؟ ودى فين حلاوتها

قولى يا سيدى منين سكتها

ياما خدتنى ف توهة ودوخة

ياما جريت انا ورا احلامها

قولى يا سيدى قولى ياعم

قولى ازاى انا ازيل الهم

جوة قلوبنا جوة ارواحنا

اهى ساكنة الامنا ويا جراحنا

انا راح اقول يارب الكون

يا عالم السر والمكنون

نورلى يارب الطريق

بعد الضلمة والضيق

يارب غيرك انا ماليش

ف ضلك عايزة اعيش

اقبلنى يارب من التايبين

اللى ليك دايما ساجدين

يا رب يا ارحم الراحمين